Home cricket सान क्रिकेट अन्तर्गत क्वाटर फाईनल समिकरण पुरा , भोलि बाट सेमिफाईनल खेल...

सान क्रिकेट अन्तर्गत क्वाटर फाईनल समिकरण पुरा , भोलि बाट सेमिफाईनल खेल हुने ।

कागेश्वरी मनोहरा यु–१६ टि- २० सान क्रिकेट कप २०७२ अन्तर्गत आज क्वाटर फाईनल समिकरण पुरा भएको छ ।
ओएसिस र ग्रेट हिमालयन तथा सैनिक आवाशिय बिद्यालय र नेक्सस क्रिकेट एकेडेमीले स्थान  सेमिफाईनल प्रवेश  गरेका छ्न  ।

क्वाटर फाईनल अन्तर्गत आज भएको अन्तिम खेलमा सैनिक आवाशिय बिद्यालयले एन्जल्स एकेडेमीमाथि १०४ रनको जित निकालेको छ । जित सङ्गै सैनिक आवाशिय सेमिफाईनल प्रवेश गरेको छ ।

टस हारेर ब्याटिङ गरेको सैनिक आवाशिय बिद्यालयले २० ओभरमा ७ विकेटको क्षतिमा १३८ रन जोडेको थियो ।सैनिकका लागि कप्तान जवाफ जंग मल्लले सर्वाधिक ४३ बलमा ४७ रन जोडे । यस्तै क्रिश कार्कीले १७ बलमा २१ रन, श्रृजन गुरुङ्गले अविजित १६ बलमा १६ रन, अर्जून तामाङ्गले १२ बलमा १३ रन र निश्चल तामाङ्गले १८ बलमा १२ रन जोडे ।

बलिङ्ग तर्फ एन्जल्सका योगश रावलले ४ ओभर २५ रन २ विकेट, किशोर वोगटी ३ ओभर १७ रन २ विकेट र विनय घर्ती मगर ४ ओभर २९ रन एक विकेट लिएका थिए।

१३९ रनको बिजय लक्ष्य पाएको एन्जल्स मात्र ३४ रनमा अल आउट भएको थियो ।

एन्जल्सलाई सस्तैमा समेट्ने क्रममा सैनिकका श्रृजन गुरुङ्गले ४ ओभरमा एक मेडन सहित ९ रन ४ विकेट, अशिम कार्की ४ ओभरमा एक मेडन सहित ९ रन एक विकेट, कृश कार्की २.३ ओभरमा १ मेडन सहित २ रन २ विकेट, क्षितिज जंग शाही ३ ओभरमा ९ रन एक विकेट लिएका थिए ।

प्रतियोगितामा सैनिकका श्रृजन गुरुङ्ग अविजित १६ बलमा १६ रन तथा ४ ओभरमा एक मेडन सहित ९ रन ४ विकेटका साथ म्यान अफ द म्याच घोषित भए ।

आजै भएको दोश्रो क्वाटरफाईनलमा नेक्सस क्रिकेट एकेडेमीले बालुवाटार क्रिकेट एकेडेमी लाई ८८ रनले पराजित गरेको थियो ।

टस जितेर ब्याटिङ्ग गरेको नेक्ससले ६ विकेटको क्षतीमा १३३ रन बनायो । जवाफमा बालुवाटारले १९.४ ओभरमा अल आउट हुँदै ४५ रन मात्र जोड्न सक्यो ।

प्रतियोगिताको सेमिफाईनल भोली शुक्रबार ८ बजेबाट कीर्तिपूर क्रिकेट मैदानमा हुनेछ्न ।